සොරකම් රැසකට අවශ්‍යව කරන සැකකරුවෙකු පොලීසිය විසින් අත්අඩංගුවට ගෙන තිබේ. සැකකරු ඊයේ (10) උදෑසන කාලයේදී මොරටුව පොලිස් වසමේ කුරුස හන්දිය ප්‍රදේශයේදී ගල්කිස්ස කොට්ඨාස අපරාධ විමර්ශන කාර්යාංශයේ නිලධාරීන්ට ලද තොරතුරකට අනුව අත්අඩංගුවට ගෙන ඇත. අත්අඩංගුවට ගන්නා අවස්ථාවේදී සැකකරු සතුව තිබී රන් මාලයක් සහ පසුම්බියක්ද පොලිස් භාරයට ගෙන තිබේ. සැකකරු සම්බන්ධයෙන් සිදුකරන ලද විමර්ශනයේදී ඔහු සතුව තිබූ රන් මාලය හා පසුම්බිය මොරටුව පොලිස් වසමේදී සොරකම් කරන ලද්දක් බවට අනාවරණය වී ඇත. තවද මොහු පිළියන්දල, පෑලියගොඩ, මහබාගේ, නාරාහේන්පිට සහ වැලිකඩ යන පොලිස් වසම්වල සිදුකරන ලද සොරකම් සඳහා අවශ්‍යව කරන සැකකරුවෙකු බවද පොලීසිය අනාවරණය කරගෙන තිබේ. එමෙන්ම සැකකරු විසින් සොරාගන්නා ලද කරාඹු ජෝඩුවක්, අත් පළඳනාවක්, මුදු දෙකක්, රන් මාලයක්, ග්‍රෑම් 33 මිලිග්‍රෑම් 30ක් බර රන් කැබලි 04ක් අත් ඔරලෝස් 03ක් සහ රුපියල් 7,000ක් ද විමර්ශන නිලධාරීන් විසින් මෙහිදී සොයා ගෙන ඇත. අත්අඩංගුවට ගත් සැකකරු වයස 43ක් වන බොරැල්ල ප්‍රදේශයේ පදිංචිකරුවෙකු වන අතර සිද්ධිය සම්බන්ධව ගල්කිස්ස කොට්ඨාස අපරාධ විමර්ශන කාර්යාංශය වැඩිදුර විමර්ශන සිදුකරයි.