කණ්ඩායම් 20ක් එක් කුසලානයක් වෙනුවෙන් උරෙන් උර ගැටෙන 2026 ලෝක කුසලාන 20යි 20 ක්‍රිකට් තරගාවලියේ තරග කාල සටහන අද (25) එළිදක්වනු ලැබීය. ඒ ඉන්දියාවේ මුම්බායි හිදිය. තරගාවලිය එළඹෙන පෙබරවාරි 7වැනිදා ආරම්භ වන අතර අවසන් මහා තරගය මාර්තු 8 වැනිදා පැවැත්වීමට නියමිතය. 10වැනි ලෝක කුසලාන 20යි 20 ක්‍රිකට් තරගාවලිය ශ්‍රී ලංකාව සහ ඉන්දියාවේ සම සත්කාරකත්වයෙන් පැවැත්වේ. තරගාවලිය සඳහා කණ්ඩායම් 20ක් ක්‍රීඩා කිරීමට නියමිත අතර කාණ්ඩ 4ක් ඔස්සේ ඔවුන් තරගබිමට පිවිසිමට නියමිතය. ඉන්දියාවේ ක්‍රීඩාංගණ 5කඳි සහ ශ්‍රී ලංකාවේ ක්‍රීඩාංගණ 3කදී 2026 ලෝක කුසලාන 20යි 20 ක්‍රිකට් තරගාවලිය පැවැත්වීමට සැලසුම්කර තිබේ. ශ්‍රී ලංකාව මෙවර තරග බිමට පිවිසෙන්නේ B කාණ්ඩයෙන් වන අතර ඉන්දියාව A කාණ්ඩායෙන් තරග බිමට පිවිසෙයි.