ත්‍රිකුණාමලය, මොරවැව ප්‍රදේශයේ හක්ක පටස් කෑ වනඅලියෙකු මියගොස් තිබේ. මොරවැව D-9 යාය ප්‍රදේශයේ වැටී සිටියදී මෙම වනඅලියා සොයාගෙන ඇත. වයස අවුරුදු 08ක් පමණ වයසැති මෙම වනඅලියා දින කිහිපයකට කීපයකට ඉහතදී හක්ක පටස් කා රෝගාතුරවී තිබේ. ඒ අනුව ආහාර ගැනීමට නොහැකිව සිටියදී එම සත්ත්වයා, පශු වෛද්‍යවරයා පැමිණෙන විට මරණයට පත්ව ඇති බව සඳහන්. ප්‍රදේශයේ සිටින දඩයක්කරුවන් විසින් ඌරන් මැරීම සඳහා මෙම හක්ක පටස් යොදා ගන්නා බව වනජීවි නිලධාරීන් පවසන අතර, එලෙස ඇටවූ උගුලකට මෙම වනඅලියා හසුවන්නට ඇතැයි ඔවුන් අනුමාන කරයි. මරණ පරීක්ෂණය මහවැලි කලාප භාර වනජීවී පශු වෛද්‍ය කලිඳු ආරච්චි මහතාගේ උපදෙස් පරිදි සිදුකර වළ දැමීමට කටයුතු කළේය.